Hoamat

Es is ned a b'sonderer Ort auf uns'rer Welt,
oder a schens Haus um ganz fü Geld.
Na, es ist der Platz, an dem I g'hör hin,
wo I mein Frieden find' -  und a mein Sinn.

Dort  wo I bin mit'n Herz dahoam,
und werden kann ganz stad und koam, 
Wo der Boden is, in dem meine Wurzeln san,
mit denen I bis in' Himmel wachsen kann.

Wo I ned mei' eigenes "Ich" verlier,
sondern sein kann, wie I mi spür.
Dort, wo I aufrecht durch mei Leben geh,
a wann I umfall', glei wieder steh.

Weil da wer is, der mi hält und der mi tragt,
wann's mia schlecht geht, ned lang fragt.
Mit dem I rean kann und a lachen,
und a amoi an Bledsinn machen.

Du...

bist der,

der mi  ohne Worte kann verstehen,
auf mi wart', wenn I muas gehen,
mir an Platz in seinem Leben schenkt,
egal, wo I bin, gern an mi denkt.

mit dem I den Moment genieß',
und so manche Sorgen schnell vergiss.
 mir Mut gibt, Halt gibt und Geborgenheit,
mi verlieren lässt in Raum und Zeit.

Du...

bist mei Hoamat,
du bist mei Leben.
Da mecht I bleibn,

da g'hör I hin,
 denn nur mit dir,
find I Hoamat a in mir.