· 

Frühling....

 Im Winter kehrt ein die Ruah,

Da Schnee deckt des Leben zua.

Koa Bleami, koa Blattl, ois scheint erfroren,

d'Natur hat sie z'ruckzogn, is eiwenig worden.

 

Wie vermiss' I des herrliche G'füh',

was I g'spür wann da Frühling kema wü.

Sobald ma die ersten Vogerl kann hearn,

is' mit der Sehnsucht vorbei, I woas es wird werd'n.

 

Mei Herz is g'fanga in dem milden, erdigen Duft,

der da liegt so schweigend in der Luft.

Tag für Tag wird’s heller und liacht,

 wann ma die ersten Knospen kemma siacht.

 

Ganz kloa, ganz zart und leise,

macht si ois auf die Reise.

Auf 'n Weg z'ruck ins Leben,

ois wär's nie anders g'wesen.

 

Loslassen, z'ruckziehen is ned des End`,

sondern a Neuanfang, was kummt ma ned kennt.

Trotzdem, streckt si des Blattl im Wind,

und a des Bleami aus da Erdn kimmt.

 

Voller Stolz wachsen's da Sun entgegen,

g'frein sie über des neue Leben.

Zoag'n des mit aller Kraft,

des is, was die Natur so einzig macht.

 

Nix is so B'sonders wie des Dasein auf da Erd'n,

 egal was kummt, es wird alles werden.

 Hoffnung und Zuversicht machen si breit.

so wie des Bleami hat alles sei Zeit.

Kommentar schreiben

Kommentare: 2
  • #1

    Elisabeth Hofstetter (Montag, 23 Januar 2023 23:15)

    Mei, is des schön ! Des geht ins Herz ! Danke Sonja !!!

  • #2

    Verfasser (Dienstag, 24 Januar 2023 07:32)

    Danke dir, liebe Elisabeth!