Advent...

I wünsch dir heuer an' Advent,
wie ma 'n von früher her nu kennt.
ohne Neid und ohne Streit,
sondern mit Frieden und Besinnlichkeit.
Denn des was wirklich zählt,
is's Herz und ned des Geld!
Schenk a Lächl'n jeden Tag,
a dem, der di ned mag.
Schau, dass a jeder der di kennt,
dein' Namen mit an Segen nennt.
Geh auf die Anderen zua,
denn nur so find'st a du dei Ruah.

I wünsch dir a stade Zeit,
tua nur des was di wirklich g'freit.
Hauptsach' du di ned verlierst,
und in der lauten Zeit erfrierst.
Denn zuhören, a guats Wort,
a Umarmung hie und dort,
is vü mehr wert im Leben
als jed's Geschenk kann geben.
Miteinand singen, tanzen, lachen,
a amoi an Bledsinn machen.
Des is des was zählt,
und schafft an Frieden auf der Welt!